அந்த காலத்தில் Double Action இப்படி தான் எடுத்தார்கள்(Dual action in Film roll time Cinema)

 நமக்கு பிடித்த நடிகர்களின் படங்களை பார்ப்பது என்பதே ஒரு தனி சுகம் தான், அதுவும் இரட்டை வேடங்களில் நடித்திருப்பதை பார்ப்பது மிகவும் சந்தோசத்தை கொடுக்கும்.

தொழில்நுட்பம் மிகவும் வளர்ச்சியடைந்துள்ள இந்த காலத்தில் இரட்டை மற்றும் மூன்று வேடங்கள் என இல்லாமல் தசாவதாரம் படத்தில் நம் உலகநாயகன் பத்து கதாப்பாத்திரத்தில் நடித்து அசத்தியுருப்பார்.

அது மிகப்பெரிய சவாலாக இருந்தாலும் இப்போது உள்ள காலக்கட்டத்தில் அது சாத்தியமாயுற்று.

இதையே நாம் ஆச்சரியத்துடன் பார்த்து ரசித்தோம். ஆனால் தொழில்நுட்பம் வளர்ச்சியடையாத அதாவது பிலிம்ரோல் காலத்தில் இது எப்படி சாத்தியமானது என்பது பற்றி இந்த பதிவில் காண்போம்.

தமிழ் சினிமாவில் முதலில் வெளியான இரட்டைவேட தமிழ் திரைப்படம் 1940 ல் வெளியான உத்தமபுத்திரன். இதில் நடித்துள்ளவர் பி.யு சின்னப்பா.

இரட்டை கதாப்பாத்திரம் எப்படி அமைப்பது என்பது இப்போது அனைவருக்கும் தெரியும். ஏனென்றால் செல்போனில் அதற்க்கான அனைத்து செயலிகளும் உள்ளது. இருப்பினும் அதை ஒரு சிறிய விளக்கமாக பார்க்கலாம்.

இந்த பதிவை வீடியோவாக காண்க

எந்த ஒரு அசைவும் இல்லாத பின்புலத்தை(Background) இரண்டாக பிரித்து கேமராவை நடுநிலையாக வைத்து வெவ்வேறு சமயத்தில் ஒரே காட்சியை எடுத்து அதை சேர்க்கும் பொழுது அது ஒரே சமயத்தில் எடுத்ததை போன்று தெரியும் இப்பொது உள்ள காலத்தில் கம்ப்யூட்டர் செயலிகள் மூலம் இதை சுலபமாக செய்துவிடலாம். இந்த தொழிநுட்பத்தை Split Screen method என்று கூறுவார்.

ஆனால் பிலிம்ரோல் காலங்களில் எப்படி  செய்திருப்பார்கள் என்றால், கணினி இல்லாத காரணத்தால் பிலிம் ரோலை இரண்டாக கைகளால் வெட்டி அதை ஒன்று சேர்த்திருப்பார்கள்.

இப்படி வெட்டிய அடையாளம் தெரியாமல் இருக்க பின்புறம் tape ஐ கொண்டோ ஒட்டி உபயோகித்தார்கள். அந்த காலகட்டத்தில் நடிகர் திலகம் சிவாஜி அவர்கள் நடித்த நவராத்திரி படத்தில் அவர் ஒன்பது கதாப்பாத்திரத்தில் நடித்திருப்பார். பிலிம்ரோலை வெட்டி ஒன்று சேர்க்கும் முறையை பயன்படுத்தியிருந்தால் அவர் நடித்த ஒன்பது காட்சிகளையும் எடுத்த ப்லிம்ரோலை வெட்டி சரியாக சேர்த்திருந்தால் மட்டுமே அது அந்த அளவிற்கு சரியாக வந்திருக்கும்.

இந்த இரட்டை கதாப்பாத்திரத்திற்கு இன்னொரு முறையும் உபயோகப்படுத்தப்பட்டது, அது என்னவென்றால் ஒரு நடிகர் போன்றே இருக்கும் இன்னொரு நடிகரை எதிர்புறம் நடிக்க வைத்து அதை இரட்டை வேட காட்சிகளை போன்று நம்மை நம்பவைத்திருப்பார்கள்.

Split Screen முறையில் இரட்டை கதாப்பாத்திரங்கள் கட்டிங் பாயிண்ட்ஸ் தாண்டமுடியாமல் இருந்தது, காரணம் அதை தாண்டினால் அந்த கதாப்பாத்திரம் துண்டிக்கப்படும்.

இதையும் சமாளிக்க ஒரு யுக்தி பயன்படுத்தப்பட்டது. 

இந்த காட்சியில் இரண்டு சிவாஜியும் கைகளை கொடுப்பது போல அமைந்திருக்கும்

 இது எப்படி எடுத்திருப்பார்கள் என்றால் கொஞ்சம் உற்று பார்த்தால் தெரியும் இந்த காட்சியில் சிவாஜியின் தோள்பட்டையில் தான் கட்டிங் பாயிண்ட் இருக்கும், அந்த கதாப்பாத்திரத்தின்  டூப் யை வைத்து அந்த காட்சியில் கையை கொடுப்பது போல நடிக்க வைத்து தோள்பட்டையை மட்டும் வெட்டி பின்பு சேர்த்திருப்பார்கள்.

இப்படி தொழில்நுட்பம் வளர்ச்சியடையாத காலத்திலேயே மிகவும் நுட்பமாக நம் கண்களை ஏமாற்றி  சில காட்சிகளை அமைத்திருப்பார்கள்.

அதற்க்கு பின் வந்த காலங்களில் படத்தொகுப்பு கணினி மூலம் செய்ய ஆரம்பித்த பிறகு chrome key எனப்படும் தொழில்நுட்பம் வந்தது.

என்னடா சொல்லுறீங்க Animation கற்காலத்துல ஆரம்பிச்சிடங்களா??

அதன்படி பச்சை திரையின் முன் நடிகர்களை நடிக்க வைத்து பின்புறத்தை சுலபமாக மாற்ற முடிந்தது. எதற்க்காக பச்சை நிறம் என்றால் நம் உடம்பில் இல்லாத நிறம் பச்சை மற்றும் நீலம். எனவே வேறு நிறம் உபயோகித்தால் நடிகர்களும் சேர்ந்து Cut செய்யபடுவர்.

Splits screen முறை போன்று இல்லாமல் இதில் திரையில் எங்கு வேண்டுமானாலும் நகர்த்த முடிந்தது. எனவே மக்களை இன்னும் உறுதியாக இரட்டை வேடங்களாக நம்பவைக்க முடிந்தது.

மாற்றான் இதில் வரும் இந்த காட்சி எப்படி எடுத்திருப்பார்கள் என்றால், பழைய முறையான Body Dupe தான். சூர்யா போன்று இன்னொருவரை நடிக்கவைத்து.

அதன் பின்பு இன்னோர் சூர்யாவின் முக பாவனையை மட்டும் காமெராவில் எடுத்து. அவர் தலையை மட்டும் Cut செய்து பொருத்துவார்கள். இதை பொறுத்த Match Move என்ற தொழில்நுட்பம் உதவுகிறது.

இந்த பதிவு பிடித்திருந்தால் இதை பகிரவும்.

ஹாலிவுட்யின் சிறந்த 5 கப்பல் படங்கள் (Best 5 Ship Movies In Hollywood Explained in tamil)

 இந்த வருசையில் நாம் பார்க்காத படம் Titanic (1997 film), என்னென்றால் இந்த திரைப்படம் பற்றி அறியாதவர்கள் இருக்கமுடியாது. கப்பல் திரைப்படங்களுக்கே இப்படம் ஒரு மையில்கல்லாக அமைந்துள்ளது. எனவே இந்த படத்தை தவிர்த்து மற்ற முக்கியமான படங்களை பற்றி பார்க்கலாம்.

The Finest Hours

1952 இல் நடுகடலில் SS Pendleton என்கின்ற ஒரு எண்ணெய் கப்பல் மோசமான புயலால் பாதிக்கப்பட்டு இரண்டாக உடைந்து கொஞ்சம் கொஞ்சமாக கடலில் மூல்கிக்கொண்டிருக்கிறது.அந்த கப்பலில் உள்ளவர்களை கடல்கரை பாதுகாவலரான Michael J Tougias என்பவர் ஒரு உயிர் காக்கும் விசை படகில் அந்த மோசமான புயலில் சென்று அதில் உள்ளவர்களை காப்பாற்றி அழைத்து வருகிறார்.

இந்த நிகழ்வு அவர் நிஜ வாழ்வில் நடந்த ஒரு சம்பவம். இதை ஒரு புத்தகமாக அவர் வெளியிட்டார். இதை பார்த்து வியந்த Disney நிறுவனம் இக்கதையை தயாரித்து 2016 ல் திரைப்படமாக வெளியிட்டது. இப்படத்தில் வரும் புயல் காட்சிகளும் அலைகளும் மிகவும் தத்ரூபமாக எடுக்கபட்டிருக்கும். பார்பவர்களுக்கு ஒரு புதிய அனுபவத்தை கொடுக்கும் இந்த படம்.

இந்த பதிவை வீடியோவாக காண்க

Battle Ship

2012 ல் வெளியான இந்த திரைப்படம் ஒரு மிலிட்டரி ஆக்க்ஷன் படம். பசுபிக் பெருங்கடலில் ஹவாய் என்கின்ற இடத்தில் சில ஏலியன்ஸ் கப்பல்கள் அங்கு உள்ள செயற்கைக்கோள் தொடர்புகளை துண்டிகிறது.

அமெரிக்க கப்பல் படை அந்த ஏலியன்ஸ் கப்பல்களை அழிக்க Myoko மற்றும் சில போர் கப்பல்களை கொண்டு முயற்சி செய்கிறார்கள். மிகவும் சக்தி வாய்ந்த ஏலியன்ஸ் கப்பல், JDS Myōkō என்ற கப்பலை அழித்துவிடுகிறது.

மற்ற போர் கப்பலில் உள்ள வீரர்கள் மிகவும் திறமையாக ஏலியன்ஸ் கண்டுபிடித்திட கூடாது என்பதற்காக Radar பயன்படுத்தாமல் சுனாமி வருவதை கண்டுப்பிடடிக்கும் தொழில்நுட்பத்தை பயன்படுத்தி இரண்டு ஏலியன்ஸ் கப்பல்களை அழித்துவிடுகிறார்கள். மற்ற ஏலியன்ஸ் கப்பல்களை இரண்டாம் உலகப்போரில் பயன்படுத்திய பழைய கப்பலான  battleship USS Missouri   என்கின்ற Battle Ship மூலம் அழிக்க முயற்ச்சிக்கின்றனர், இந்த முயற்ச்சியில் பழைய கப்பலான Battle Ship ஏலியன்ஸ் கப்பலை அழிகிறதா இல்லையா என்பதுதான் இந்த திரைப்படத்தின் கதை.

Captain Philips

2013 ல் வெளியான இந்த திரைப்படம்  Captain Richard Phillips என்பவரின் நிஜ வாழ்கையில் நடந்த ஒரு உண்மை சம்பவம்.

இந்த அனுபவத்தை  A Captain's Duty: Somali Pirates, Navy SEALs, and Dangerous Days at Sea  என்கின்ற புத்தகத்தை எழுதினார், இதன் மூலமே இப்படம் உருவானது.

ஒரு நாள்  MV Maersk Alabama என்கின்ற சரக்கு கப்பலின் மாலுமியாக செல்கிறார் பிலிப். இந்த சரக்கு கப்பல் ஓமன் நாட்டிலிருந்து கென்யாவிற்கு சோமாலியாவில் உள்ள  Guardafui Channel என்கின்ற கணவாய் வழியாக செல்கிறது.

அப்பொழுது சோமாலியாவில் உள்ள சில கடல் கொள்ளையர்கள் கப்பலில் உள்ள பொருட்களை திருடும் முயற்ச்சியில் கப்பலை தாக்குகின்றனர். அதை தடுக்க பிலிப் முயற்ச்சிக்கிறார்.

 எப்படியோ கப்பலில் நுழைந்த கொள்ளையர்கள் கப்பலில் உள்ள பொருட்களை திருட முயற்ச்சிக்கின்றனர். அப்பொழுது கப்பலில் மறைந்து இருந்த சில வேலையாட்கள் கொள்ளையரின் தலைவனை பிடித்து வைத்துகொண்டு மற்றவர்களை கப்பலில் இருந்து வெளியேறுமாறு சொல்கின்றனர்.

அதன் பிறகு கொள்ளையரின் தலைவன் ஒரு உயிர் காக்கும் விசை படகின் மூலம் தப்பிசெல்கையில் பிலிப்ஸ் யும் பனை கைதியாக கடத்தி செல்கின்றனர், அவர்களிடமிருந்து பிலிப்ஸ் எப்படி காப்பாற்றபடுகிறார் என்பதுதான் இப்படத்தின் மீதி கதை.

Poseidon

2006 ல் வெளியான இந்த திரைப்படம்   Paul Gallico's  அவர்களின் 1969 ல் வந்த the Poseidon adventure எனும் நாவலை தழுவி எடுக்கப்பட்ட ஒரு படம். நடுகடலில் சென்று கொண்டிருக்கும் Poseidon என்கின்ற ஒரு சொகுசு கப்பல் பெரிய சுனாமி அலையால் தாக்கப்பட்டு தலைகீழாக கவிழ்கிறது. திடிரென கவிழ்ந்த கப்பலை சுற்றி ஒரு பெரிய நீர்க்குமிழி உருவாகின்றது, அதனால் கப்பலினுள் தண்ணீர் செல்ல ஒருசில மணி நேரம் ஆகின்றது.

தண்ணீருக்கு அடியில் தலைகீழாக இருக்கும் கப்பலின் மேல் பகுதியில் அனனவரும் சிக்கிக்கொள்கின்றனர்.

கதையின் ஹீரோ மற்றும் அவர் மகள் இன்னும் சிலபேர் கப்பலின் அடித்தளத்திற்கு மேல்நோக்கி செல்கின்றனர். கப்பல் முழுவதும் தண்ணீர் நிறைந்து மூழ்குவதற்குள் எப்படி தப்பிகின்றனர் என்பதுதான் இப்படத்தின் மீதி கதை.

Ghost ship

இந்த படம் 2002 வெளியான ஒரு horror படம். ஒரு மாலை நேரத்தில் MS Antonia Graza  என்கின்ற சொகுசு கப்பலில் அனைவரும் மிகவும் சந்தோசமாக பாட்டு பாடி நடனமாடிக்கொண்டு இருகின்றனர்,அப்பொழுது  திடீரென ஒரு இறுக்கமான இரும்பு கம்பி நடனமாடி கொண்டிருப்பவர்களின் இடையே மிகவும் அதிவேகமாக செல்கிறது.அதில் அங்கு இருந்தவர்களின் உடல்கள் இரண்டு துண்டுகளாக வெட்டப்பட்டு அனைவரும் இறந்துவிடுகின்றனர். இதில்  Katie என்ற சிறுமி மட்டும் உயர் தப்பிக்கிறாள்.

40 ஆண்டுகளுக்கு பிறகு உடைந்த கப்பல் படகு இதை சரி செய்யும் ஆறு பேர் கொண்ட ஒரு குழு வானிலை ஆராய்ச்சி செய்யும் ஒருவரின் மூலமாக தெரிந்துக்கொண்டு அந்த கப்பலை சரி செய்து அதன் மூலம் பணம் சம்பாரிக்கும் நோக்கத்தோடு அந்த கப்பலை தேடி செல்கின்றனர்.

40 ஆண்டுகளாக தண்ணீரில் மிதப்பதால் துருப்பிடித்து மிகவும் மோசமான நிலையில் கப்பல் இருக்கிறது. அந்த கப்பலில் எதோ அமானுஷ்ய விஷயங்கள் நடக்கிறது.  40 வருடத்திற்கு முன்பு இறந்து போன அந்த சிறுமியும் மற்றவர்களும் அவர்களின் கண்களுக்கு தெரிகின்றனர்.

இதற்கிடையில் ஒரு பெட்டியில் தங்க கட்டிகள் கிடைக்கின்றது, பயத்துடன் இருந்த அவர்கள் கப்பலை விட்டுவிட்டு தங்க கட்டிகளை மட்டும் எடுத்து செல்ல நினைத்து கப்பளை விட்டு வெளியேறுகையில் அவர்கள் வந்த கப்பல் மர்மமான முறையில் வெடித்து சிதறுகிறது. கப்பலில் இருந்தவர்கள் எப்படி இறந்தார்கள், இவர்கள் எப்படி கப்பலிலிருந்து தப்பித்து செல்கின்றனர் என்பதுதான் இந்த படத்தின் கதை.

தமிழ் சினிமாவில் மிகவும் எரிச்சல், கோபம் அடையச்செய்த 9 கதாபாத்திரங்கள்!!! |

Most irritating Character in Tamil Cinema!!!

கல்லை கூட நடிக்கவைக்கும் சினிமா !! உயிரற்ற பொருளும் கதாபாத்திரம் (Non-Living character as main Role in Cinema)

 

சினிமா என்பது பல கற்பனைகள் நிறைந்த ஒரு கனவு தொழிற்ச்சாலை. சினிமாவில் கல்லையும் நடிக்கவைக்க கூடிய பல திறமையானவர்கள் இருக்கின்றனர். அதாவது உயிரற்ற பொருட்களுக்கு கூட முக்கியமான கதாப்பாத்திரங்களை பொறுத்தியிருப்பார்கள். அப்படி சுவாரசியமான உயிரற்ற கதாப்பாத்திரங்கள் பற்றி இந்த பதிவில் காண்போம்.

                                                                பொல்லாதவன் பைக்

படத்தின் ஹீரோவான தனுஷ் புதிதாக பல்சர் பைக் ஒன்றை வாங்குகிறார், அந்த பைக் தன் வாழ்வில் வந்த பிறகே தனக்கு வேலை கிடைத்ததாகவும் காதலும் வெற்றி அடைந்ததாகவும் எண்ணி அதை தன் வாழ்வில் ஒரு முக்கிய அம்சமாக உணர்கிறார். திடீரென பைக் காணாமல் போக அதற்க்கு பிறகு நிறைய பிரச்சனைகளை சந்திக்கிறார். இப்படி படம் முழுவதும் பைக்க்கு ஒரு முக்கிய கதாப்பாத்திரத்தை இயக்குநர் பொருத்தியிருப்பார்.

நண்பன் பேனா

தளபதயின் சூப்பர் ஹிட் படங்களில் ஒன்றான நண்பன். இந்த படம் என்றாலே முதலில் நியாபகம் வருவது வைரஸ் அவர் கையில் இருக்கும் அந்த பேனா. இந்த பேனா படத்தில் முக்கிய காட்சிகளில் இடம் பெற்றிருக்கும். இதை கைப்பற்ற வட்சன் படம் முழுவதும் முயற்சிப்பார். ஆனால் ஹீரோ பஞ்சவன் பாரிவேந்தன் இதை வாங்கி விடுவார். படத்தின் கிளைமாக்ஸ்லும் இந்த பேனா ஒரு முக்கிய வகித்திருக்கும்.

இந்த பதிவை வீடியோவாக காண்க

24 வாட்ச்

இந்த தலைப்பிற்கு மிகவும் பொருத்தமான கதாப்பாத்திரம் என்றால் இதை சொல்லலாம். என்னென்றால் படத்தின் ஆரம்பம் முதல் கடைசி வரை இந்த வாட்ச் வராத காட்சிகளே இருக்காது. இந்த வாட்சை எடுப்பதற்கு  சூர்யா வில்லனாக மாறி பயங்கரமாக நடித்திருப்பார். முக்கியமாக இந்த வாட்சை time travel device ஆ உபயோகப்படுத்துனதால கதையில் ஒரு முக்கிய கதப்பாத்திரமாக அமைந்திருக்கும். கிரிகெட் மேட்ச் Freeze பண்றது மழையை Freeze பண்றது இப்படி சுவாரஸ்யமான காட்சிகளில் இது போன்ற ஒரு வாட்ச் நம்மிடம் இல்லையே என்று யோசிக்க வைத்திருப்பார் இயக்குனர்.

சுந்தரா டிரவேல்ஸ் Bus

தன்னுடைய அப்பாவாக நினைத்து பஸ்ஸை எப்படியாவது நல்ல நிலைமைக்கு கொண்டுவரவேண்டும் என்று படத்தின் ஹீரோ போராடுகிறார். இந்த பஸ்ஸை வைத்து ஹீரோவான கோபியும் அழகனும் அடிக்கிற லூட்டிகள் நகைசுவையாக அமைத்திருக்கும். பஸ்ஸையே வீடாக மாற்றிஇருப்பார்கள், இந்த பஸ்க்காக தான் இந்த படமே உருவானது போல ஒரு முக்கிய கதாப்பாத்திரத்தை கொடுத்திருப்பார்கள்.

மெட்ராஸ் சுவர்

சுவர் இல்லையென்றால் சித்திரம் வரையமுடியாது என்பார்கள், இந்த சுவர் இல்லையென்றால் மெட்ராஸ் படமே உருவாயிருக்காதோ என்று தோன்றும் அளவிற்க்கு சுவருக்கு முக்கியத்துவம் கொடுத்திருப்பார்கள். சுவரை பிடிப்பதுதான் லட்சியம் என்று துடிக்கும் அன்பு, சுவர் தான் கெளரவம் என்று நினைத்து அதை விட்டுக்கொடுக்காத கண்ணன். இவர்கள் இருவருக்கும் இடையே நடக்கும் பிரச்சனைகள், இறப்புகள் இதற்கெல்லாம் காரணம் இந்த சுவற்றில் இருக்கும் ஏதோ ஒன்றுதான் என்று உணர வைத்திருப்பார்கள். அந்த உணர்வே இந்த சுவர் இந்த தலைப்பில் இடம்பெற காரணமானது.

பணக்காரன் டாக்ஸி

சூப்பர் ஸ்டார் பல நகைச்சுவை நடிகர்களோடு நடித்துள்ளார், ஆனால் இந்த படத்தில் இடம்பெற்றுள்ள லட்சுமி கால் டாக்ஸி ம் நம் தலைவருமான இந்த சேர்க்கை அதை விட சிறப்பாக அமைந்திருக்கும் . அவருடைய கோவம் சந்தோசம் துக்கம் இப்படி அனைத்தும் இந்த டாக்ஸிடம் பகிரும் பொழுது லட்சுமி அவர் குடும்பத்தில் ஒருத்தராக தெரியும்.

VIP தனுஷ் Bike

இளம் வயதினர் அனைவருக்கும் கண்டிப்பாக இது போன்ற நண்பன் கண்டிப்பாக இருக்கும். இந்த படத்தின் ஹீரோ தனுஷ் தன் bike ஐ நம்பாமல் தன் நண்பனிடம் bike ஐ கடனாக கேட்டிருப்பார், கடைசியில் அவர் கைவிட தன் நண்பனான bike இடமே வந்து ஹீரோ நிற்கையில் சிறிதாக சேட்டை செய்யும் bike உயிரற்ற பொருளாக இருந்தாலும் இந்த காட்சியில் உயிருள்ள நண்பனை போல் தெரியும். இது போன்ற நண்பனே நம்மை இக்கட்டான சூழ்நிலையில் காப்பாற்றுவார்கள். இந்த நட்பின் உறவு vip 2 லையும் தொடரும்.

பண்ணையாரும் பத்மினியும்

இந்த படத்தில் வரும் பத்மினி என்கின்ற கார். பண்ணையாரின் நண்பர் அவரது காரான பத்மினியை சிறிது நாள் வீட்டில் இருக்கும்படி விட்டு செல்கிறார். அந்த சிறிது நாட்களில் கல்யாணம், கருமாதி, காய்கறி சந்தை என்று ஊரே அதை பயன்படுத்துகிறது. ஒரு கட்டத்தில் பண்ணையாருக்கு அதன் மேல் ஒரு ஈர்ப்பு வர எப்படியாவது காரை ஓட்டி பார்க்கவேண்டும் என ஆசைபடுகிறார். இப்படி பத்மினி அவரது குடும்பத்தில் ஒருத்தராக மாறிபோகிறது. திடிரென அவர் நண்பரின் மகள் அவரிடம் வந்து தன் அப்பா இறந்து விட்டதாக கூறி அவர் சொத்தை பற்றி பண்ணையாரிடம் கேட்க நேர்மையாக வாழ்ந்து வரும் பண்ணையார் காரை பற்றி மட்டு மறைக்கிறார். இந்த காட்சிகள் தான் பண்ணையாரும் பத்மினிக்கும் உள்ள நெருக்கத்தை உணர்த்துகிறது.

மேலும் இதுபோன்ற பதிவுகளை படிக்க Mersal frames ஐ பின்தொடரவும்